Манай эмнэлэгт хэн, яаж үзүүлэх вэ?

Манай эмнэлэгт хэн, яаж үзүүлэх вэ?
Эх хүүхдийн эрүүл мэндийн үндэсний төв нь эрүүл мэндийн тусламж үйлчилгээг шуурхай, соёлтой, чанартай, үйлчүүлэгчийн тав тухтай байдлыг хангасан нөхцөлд тусламж үзүүлэх зорилгоор товлолт үйлчилгээ нэвтрүүллээ.
Энэ зорилгыг хэрэгжүүлэхийн тулд ачаалалыг дараахи байдлаар зохицуулна.
Хүүхдийн зөвлөх поликлиникт /хүүхэд үзүүлэх бол/:
•    Товлолт үйлчилгээнд аймаг, хот, дүүргээс 13А маягтаар, эсвэл ХЗП-ийн нарийн мэргэжлийн эмч нарын захиалгын дагуу бүртгэл мэдээллийн хэсгээр дамжин хамрагдана.
/13А гэдэг нь доод шатлалын эмнэлэгээс илүү нарийн мэргэжлийн эмчийн үзлэгт оруулах шаардлагатай гэсэн чиглэлийн маягт юм/
•    Бүртгэл мэдээллийн сувилагч нар үйлчлүүлэгчийн эрүүл мэндийн даатгал, II дахь шатлалын эмнэлгүүдээс илгээсэн 13А маягтыг үндэслэн дугаарыг олгож, кабинет руу явуулна.
•    Бүртгэл мэдээллийн сувилагч ажлын өдрүүдэд 8.20 -16.20 цагийн хооронд дараахи 2 хэлбэрээр захиалга авна. Үүнд:
а. 70141403 утсаар
б. Үйлчлүүлэгч, түүний асран хамгаалагч, төлөөний хүн биеэр ирж үзүүлэх цагаа захиалах
•    Рентген, ЭХО, Зүрхний цахилгаан бичлэг гэх мэт шинжилгээ хийлгэх шаардлагатай үед поликлиникийн кабинетийн эмч үйлчлүүлэгчийг бүртгэл мэдээллийн сувилагч руу явуулж, дугаар авахуулах бөгөөд шинжилгээ хийлгэсний дараа давтан үзүүлэхдээ шинээр дугаар авч үзүүүлэх ёстойг сануулна.
•    Үйл онош зүйн кабинетуудаар үйлчлүүлэх захиалгыг утсаар авахгүй.
•    Онц хүнд өвчтөнд товлол хамаарахгүй.
•    Төрөлжсөн нарийн мэргэшлийн кабинетийн эмчийн нэг цагт, нэг өдөрт хийх үзлэгийн тоон дээр үндэслэн дугаарыг тараана.
•    Нэг хүүхдэд үзлэг хийхэд зарцуулах хугацаа нь тухайн мэргэшил, кабинетийн үйл ажиллагаа онцлогоос шалтгаалан 20, 30, 40 минут байна.
•    Тухайн кабинетийн эмчийн үйл ажиллагаа үзлэгийн 7 цагт жигд байхаар зохицуулагдана.
•    Долоо хоногийн Пүрэв гарагт 15.30 цагт үзлэг товлохгүй.
•    Долоо хоног бүрийн Мягмар гарагт  үзлэгийг 09.20 цагт эхэлнэ.
•    Өдөр бүрийн 12.30 – 13.00 цагт цайны цаг байхаар тооцож, үзлэг товлохгүй.
•     Сарын 1, 3 дахь долоо хоногийн Баасан гаригт 15.30  цагт  ХЗП-ийн эмч, ажилтануудын яриа хийгдэх тул үзлэг товлохгүй.
Нэмэлт үйлчилгээг төлбөртэй үзүүлэх тухай
•    Нэмэлт тусламж үйлчилгээг үзүүлэх эмч, эмнэлгийн мэргэжилтэний нэрсийг сар, өдрөөр урьдчилан төлөвлөн, Хүүхдийн эмнэлгийн  захирал баталгаажуулна.
•    Тусламж үйлчилгээг тухайн мэргэжлээрээ 5-аас дээш жил ажилласан, эрдмийн болон мэргэжлийн цол зэрэгтэй, ажлын туршлага, мэргэжлийн. ур чадвартай, мэргэжлийн болон ёс зүйн зөрчил гаргаж байгаагүй эмч, эмнэлгийн мэргэжилтэн үзүүлнэ.
•    Хүүхдийн зөвлөх поликлиник, үйл онош зүйн хэсэгт ажлын өдрийн даваа, лхагва, баасан гаригт, 16.30 – 19.00 цаг хүртэл, бямба гаригт  10.00 – 15.00 цагийн хооронд нэмэлт тусламж үйлчилгээг үзүүлнэ. 


Нэмэлт тусламж үзүүлэн үзлэг хийх нарийн мэргэжлийн эмчийн
нэг удаагийн үзлэгийн төлбөр
Эрдмийн цолтой эмчийн үзлэг, зөвлөгөө                15000 төг
Зөвлөх зэрэгтэй эмчийн үзлэг, зөвлөгөө                  14000 төг
Тэргүүлэх зэрэгтэй эмчийн үзлэг, зөвлөгөө             12000 төг
Ахлах зэрэгтэй эмчийн үзлэг, зөвлөгөө                    10000 төг
Мэргэжлээрээ 5 дээш жил ажилласан зэрэггүй     5000 төг
Тээрхийн арьсны наалдац салгах
мэс ажилбар болон дараах эмчилгээ                     10000 төг

Нөхөн үржихүйн зөвлөх поликлиник /эмэгтэйчүүд, эх, үргүйдлийн асуудлаар бол/
•    Хот болон орон нутгийн үйлчлүүлэгчид 13А маягтаар төрөхийн нарийн мэргэжлийн цогц тусламж үйлчилгээг цахим бүртгэлийн хэсгээс дугаар  авч кабинетуудаар үйлчлүүлнэ.
•    Хөтөч сувилагч үйлчлүүлэгчийг эмчтэй нь холбон чирэгдэлгүй үйлчилнэ. 70121201 утсаар эхо-ны дарааллын захиалга авч, товлолт үйлчилгээгээр үйлчилж байна.
•    Жирэмсний хяналтын кабинет №1,2,3,4. Эдгээр кабинетаар орон нутаг болон хотын дүүргүүдээс 13-А маягтаар ирсэн жирэмсэн эмэгтэйчүүд зүрх судасны эмгэг, цусны эргэлтийн хямралтай жирэмсэн эмэгтэйчүүд, перинаталь ужиг дурдатгалтай, олон /2 дээш/ удаа дутуу төрж зулбаж байсан, эрхтэн тогтолцооны эмгэгтэй,үргүйдлийн дараах жирэмсэн эмэгтэйчүүд үйлчлүүлнэ.
•    Эмэгтэйчүүдийн зөвлөгөө №1 /мэс заслын шалтгаанаар үзүүлж буй эмэгтэйчүүдэд үйлчлэх ба умайн хүзүүний эсийн шинжилгээ хийнэ/.
•    Эмэгтэйчүүдийн зөвлөгөө №2/ мэс заслын бус шалтгаанаар үзүүлж буй эмэгтэйчүүдэд үйлчилнэ. Ялангуяа эмэгтэйчүүдийн дотоод шүүрлийн эмгэг, үргүйдлийн чиглэлээр үйлчилгээ үзүүлнэ/
•    Эрэгтэйчүүдийн зөвлөгөө /эрэгтэйчүүдэд харъяалал харгалзахгүй үзлэг хийж зөвлөгөө өгнө. Ялангуяа үргүйдлийн чиглэлээр, үрийн шингэний шинжилгээ хийж зөвлөгөө өгч үйлчилнэ/.
•    Урогинекологийн кабинет /давсагны үйл ажиллагааг шинжилнэ/
•    Удам зүйн зөвлөгөө өгөх кабинет
•    Дотор, зүрх судасны кабинет
•    Нүдний кабинет
•    Шүдний кабинет
•    Хөх судлалын кабинет
•    Эхо оношлогооны кабинет №1,2,3,4
•    Рентгений кабинет
•    Өсвөр үеийн “Ирээдүйн босго” төв /харъяалал харгалзахгүй өсвөр үеийнхэнд зөвлөгөө өгч нэг цэгийн үйлчилгээ үзүүлнэ./
•    Үр хөндөлтийн цогц тусламж үйлчилгээний хэсэг: энэ хэсэгт гэр бүл төлөвлөлт, жирэмслэлтээс сэргийлэх аргын талаар үйлчлүү-лэгчдэд зөвлөгөө өгч сургалт явуулж нэг цэгийн үйлчилгээ үзүүлнэ. Мөн энэ хэсгийг түшиглэн перинаталь оношлогооны нэгж байгуулагдан ажиллаж байна.
Ажиллах цагийн хуваарь: 8.20-16.40
Цахим бүртгэлийн лавлагаа авах утас: 70121201

Шинэ мэдээ

Бидэнтэй Харилцах

  • Хаяг: ЭХЭМҮТ - Хувьсгалчдын гудамж, Баянгол дүүрэг,
    16060 Улаанбаатар, Монгол улс
  • Утас: 362205
  • Факс: + (976)-11-362633