Эрсдэлтэй жирэмсэн судлалын тасаг

Манай тасаг нь анх 1988 онд Эх Нялхсын Төв, эх барихын клиник үүсгэн байгуулагдахад үндсэн үйл ажиллагааны 1 тасаг болж байгуулагдсан. Анх жирэмсний эмгэг эмчлэх тасаг нэртэй 60 ортой, 4 их эмчтэй үйл ажиллагаагаа эхэлж байжээ. Манай тасгийг үүсгэн байгуулж, анхны тасгийн эрхлэгчээр бидний хүндэд багш, ахмад эмч М.Баатарчулуун ажиллаж байлаа.
Тус тасгаас анагаах ухааны доктор 3 төрж, мөн эх барихын практикт чанд авиан шинжилгээг өргөжүүлэн нэвтрүүлэхэд тус тасгийн эрхлэгч байсан О.Батсүх эмч тодорхой үүрэг гүйцэтгэсэн. Тус тасгаас өнгөрсөн хугацаанд үйл оношийн тасаг, жирэмсний хавсарсан эмгэг судлалын тасаг салбарлан гарсан ба өнгөрсөн хугацаанд олон шинэ эмчилгээний арга, удирдамж боловсруулан практикт нэвтрүүлж байлаа.
Заримаас дурдвал:
•    Жирэмсэнтэй хавсарсан пиелонефриттэй эхчүүдийн жирэмслэлт ба төрөлхийн онцлог, ураг хамгаалал.
•    Жирэмсний пиелонефритийг оношлоход бөөрний эдийн индексийг тодорхойлох, эмчилгээний үр дүнг хянах арга, аргачлал.
•    Умайн хүзүүний дутмагшилтай эхчүүдэд умайн хүзүүнд оёдол тавих аргуудын хэрэглээ.
•    Дутуу төрөхөөр завдаж буй эхчүүдэд 6 цэгийн блокад хийх.
•    Эхчүүдийг монгол аргаар төрүүлэх.
•    Манас таталт, манас таталтын урьдалыг оношлох, эмчлэх, сэргийлэх, ураг хамгаалахын асуудал ба төрөлтийг шийдэх удирдамж мөрдөх зэргийг дурдаж болох юм.
Тус тасгийн эмч нар улс болон Эх Хүүхдийн Эрүүл Мэндийн Үндэсний Төвийн хүрээнд явагдсан эрдэм шинжилгээ онол практикийн их, бага хурлуудад байнга илтгэл тавьж идэвхтэй оролцож ирлээ. Заримаас дурдвал:
•    Чихрийн шижин өвчтөй эхчүүдийн жирэмслэлт төрөлтийн байдалд хийсэн судалгаа. (Эх ургийн эрүүл мэндийг сайжруулах зайн оношлогооны төслийн хурал, Их эмч Т .Сарантуяа нарын илтгэл)
•    Элэгний эмгэгтэй жирэмсний төрөлтийн онцлог. (Ж.Сарангэрэл, Т.Сарантуяа нарын илтгэл)
Тус тасгийн эмч нар олон улсын эх барих эмэгтэйчүүдийн эмч нарын хуралд оролцохоос гадна эх нялхсын эрүүл мэндийн талаархи төсөл, хөтөлбөрүүдэд үргэлж идэвхтэй оролцдог. Одоо эх хүүхдийн эрүүл мэндийг дэмжих зайн оношлогооны төслийн хүрээнд тус тасгийн эмч нар бусад аймаг хотуудад жирэмсний эмгэг судлалын талаархи бүх тохиодолд өдөр бүр зөвөлгөөн өгч байна.
Манай тасаг нь үүсгэн байгуулагдсан цагаасаа хойш улсын хэмжээний зүрх судасны эмгэгтэй жирэмсэн болон дутуу төрдөг өгүүлэмжтэй эхчүүд, мөн улсын хэмжээний жирэмслэлт хавсарсан аливаа хүнд эмгэгүүдийг хүлээн авч, өндөр нарийн мэргэжлийн тусламжийг үзүүлж байна. Сүүлийн 3 жилийн байдлаар үзвэл тус тасагт нийт .... эх хэвтэн эмчлүүлж, төрөлт эмчилгээний асуудлууд шийдэгдснээс ... эхийг мэс заслын аргаар төрүүлсэн байна. Манай хамт олны дунд үе үеийн олон сайхан эмч нар ажиллаж байсан. Ажил амьдралын гараагаа эхэлж байсанд бид их бахархдаг юм. Тухайлбал:  Гантөмөр, Балган, О.Батсүх, М.Энхжаргал, Ө.Оюунчимэг нарыг дурдаж болох байна. Тасгийн эмч нарын ихэнхи нь мастер, анагаах ухааны болон эх барихын магистр цолтой.
Тасгийн зөвлөх эмчээр он удаан жил ажиллаж байгаа хүний гавьяат эмч Даариймаа, зөвлөх эмч, клиникийн профессор Б.Цэдэнхорол нарын үйл ажиллагаа, мэдлэг, туршлага нь тасгийн тогтвортой үйл ажиллагааны суурь нь  байдаг.
Одоо манай тасаг нийт 9 их эмчтэй,9 эх баригч, 7сувилагч нартай, 64 ортойгоор үйл ажиллагаагаа явуулж байна.
Тасгийн эрхлэгч Г.Баттулга нь “Жирэмсний үеийн шинж тэмдэггүй бактериурия” сэдвээр докторын зэрэг горилон ажиллаж байна.

Бидэнтэй Харилцах

  • Хаяг: ЭХЭМҮТ - Хувьсгалчдын гудамж, Баянгол дүүрэг,
    16060 Улаанбаатар, Монгол улс
  • Утас: 362205
  • Факс: + (976)-11-362633