“Эхийн ноцтой хүндрэл, тусламж үйлчилгээ, бууруулах арга зам” сэдэвт теле-конференци
- 29 April 2015
- Published on Лхагва, 29 April 2015 16:32
Эх хүүхдийн эрүүл мэндийн үндэсний төв (ЭХЭМҮТ), НҮБ-ын Хүн Амын Сантай хамтран 2015 оны 4-р сарын 28-нд “Эхийн ноцтой хүндрэл, тусламж үйлчилгээ, бууруулах арга зам” сэдэвтхоёр дах удаагийн теле-конференцийг ЭХЭМҮТ-ийн эрдмийн өргөөнд зохион байгууллаа.
Уулзалтанд ЭХЭМҮТ-ийн Эх барих эмэгтэйчүүдийн эмнэлгийн эмчилгээ эрхэлсэн дэд захирал Г.Баттулга, Эх барих эмэгтэйчүүдийн эмнэлгийн зөвлөх эмч Н.Дашзэвэг, Эрчимт эмчилгээний тасгийн зөвлөх эмч С.Амармандах, ЭХЭМҮТ-ийн НҮЭМ, эх барих эмэгтэйчүүдийн тусламж үйлчилгээ хариуцсан зохицуулагч Н.Алгирмаа, ЭХЭМҮТ-ийн Тандалт судалгааны албаны их эмч Ц.Отгонцэцэг, НҮБ-ын ХАС-гийн зайн оношилгооны төслийн менежер Б.Цэдмаа, С.Нармандах, Нийслэлийн “Хүрээ” амаржих газрын эмчилгээ эрхэлсэн орлогч дарга Д.Цэцэгээ, Эрүүл мэндийн хөгжлийн төв, Архангай, Баянхонгор, Баян-Өлгий, Дархан-Уул, Дорноговь, Дундговь, Булган, Хэнтий, Сэлэнгэ, Завхан, Сүхбаатар, Өмнөговь, Хөвсгөл, Увс, Говь-Алтай зэрэг аймгийн эмнэлгийн удирдлага, эх барих эмэгтэйчүүдийн эмч бүхий 40 гаруй мэргэжилтэн оролцлоо.
ЭХЭМҮТ-ийн Эрчимт эмчилгээний тасгийн зөвлөх эмч С. Амармандах орон нутгаас халдварын шалтгаанаар ноцтой хүндэрч, ЭХЭМҮТ-ийн Эх барих эмэгтэйчүүдийн эмнэлэгт ирсэн эхийн ноцтой хүндрэлийн тохиолдлуудыг танилцуулж, “Эх барихын үжил, антибиотик эмчилгээний сонголт” сэдвээр онолын мэдээлэл хийлээ. Эх барих эмэгтэйчүүдийн эмнэлгийн зөвлөх эмч Н.Дашзэвэг, Эрчимт эмчилгээний тасгийн зөвлөх эмч С.Амармандах нар халдварын шалтгаант зонхилон тохиолдож буй ноцтой хүндрэлийн үед үзүүлэх тусламж үйлчилгээ, хариу арга хэмжээ, цаашид ноцтой хүндрэлийг бууруулах боломжийн талаар уулзалтанд оролцсон эмч, мэргэжилтнүүдтэй санал бодлоо солилцон, сургамж, зөвлөгөө өглөө.