“Анхан болон хоёр дах шатлалын эмнэлгүүдийн жирэмсний хяналтанд БЗДХ/ХДХВ-ын халдварын талаарх мэдлэгийг дээшлүүлэх” сэдэвт сургалт ЭХЭМҮТ дээр зохион байгуулагдлаа.
- 15 May 2015
- Published on Баасан, 15 May 2015 14:35
Энэхүү сургалтыг 2015 оны 5 сарын 04-09-ний өдрүүдэд ЭХЭМҮТ-ийн Эх барих эмэгтэйчүүдийн эмнэлгийг түшиглэн ХӨСҮТ, НҮБ-ын ХАС-тай хамтран зохион байгуулсан ба сургалтын нээлтэнд ЭХЭМҮТ-ийн Ерөнхий захирал, АУ-ы доктор Ш.Энхтөр, ЭБЭЭ-ийн захирал АУ-ы доктор Г.Баттулга, ЭХЭМҮТ-ийн ЭТҮЧА-ны дарга А.Оюунчимэг, НҮБХАС-ийн төлөөлөгч Б.Цэдмаа нар оролцлоо.
Сургалтанд Нийслэлийн 8 дүүргийн жирэмсний хяналт хариуцсан өрхийн эмч-57, дүүргийн Эрүүл мэндийн төвийн эх барих, эмэгтэйчүүдийн эмч -33, Хүрээ амаржих газрын -2, Налайх дүүргийн төрөх тасгийн эмч-2, нийт 94 эмч мэргэжилтэн хамрагдсан бөгөөд сургалтын хөтөлбөрийн дагуу жирэмсний хяналтын талаарх эрх зүйн баримт бичиг, жирэмсэн үеийн бөөр, шээсний замын халдвар, жирэмсэн үеийн өгсөх замын халдварын оношилгоо, эмчилгээ, ургийн хяналт, ургийн халдвар, антибиотик эмчилгээний сонголт, тэмбүү өвчний эмнэл зүй, оношилгоо /хурдавчилсан оношлуур/, эмчилгээ, ХДХВ-ын халдвар, өртөлтөөс урьдчилан сэргийлэх зэрэг сэдвүүдээр эмч мэргэжилтнүүдийг сургаж чадавхижууллаа.
Мэдээллийг бэлтгэсэн: ЭБЭЭ-ийн ТҮЗ Н.Алгирмаа
2015 оны 5-р сарын 15.