Нөхөн үржихүйн зөвлөх поликлиникийн нээлтийн үйл ажиллагаа боллоо
- 25 August 2015
- Published on Мягмар, 25 August 2015 10:52
ЭХЭМҮТ-ийн ЭБЭЭ-ийн НҮЗП, цахим бүртгэл, лавлагаа-хүлээлгийн танхимд “Таван богд интернэйшнл” ХХК-ийн хөрөнгө оруулалтаар (нийт 50,815,996 төгрөгийн ) 2015-07 сарын 1-ээс 8 сарын 5-ны хооронд засвар, тохижилтын ажил хийгдэн 8 сарын 19-ний өдөр хүлээлгэн өгөх нээлтийн үйл ажиллагаа боллоо.
Нээлтийн үйл ажиллагаанд “Таван богд Интернэйшнл” ХХК-ийн гүйцэтгэх захирал О.Болорбат, ЭХЭМҮТ-ийн ерөнхий захирал Ш.Энхтөр болон тус эмнэлгийн эмч, эмнэлгийн мэргэжилтэн, үйлчлүүлэгчид оролцов.
ЭХЭМҮТ-ийн ерөнхий захирал Ш.Энхтөр “Эмнэлгээр үйлчлүүлж байгаа иргэд тав тухтай орчинд үйлчлүүлэхийг хүсэх нь мэдээж. Өөдлөх айл үүднээсээ гэдэг шиг ямар байгаагаас хамаарч хүний сэтгэл зүйн нөхцөл хүртэл хувьсан өөрчлөгдөж байдаг. “Таван Богд Интернэйшнл” ХХК-ийн хамт олонд жилдээ 40,000 эх үйлчлүүлдэг гурван заалыг тохижуулж өгсөнд талархаж байгаагаа илэрхийлье гэлээ.
“Таван Богд Интернэйшнл” ХХК-ний нийт ажилчдад цаашдын ажилд өндөрөөс өндөр амжилт хүсье.