"Эмнэлгийн тоног төхөөрөмжийн аюулгүй ажиллагаа" сургалт зохион байгуулагдлаа.
- 30 November 2017
- Published on Пүрэв, 30 November 2017 16:07
ЭХЭМҮТ-ийн эмч, эмнэлгийн ажилчдын эмнэлгийн тоног төхөөрөмжтэй хэрхэн зөв болгоомжтой харьцаж, тоног төхөөрөмжийн насжилтыг уртасгах, аюулгүй байдлыг ханган ажиллах мэдлэгийг нэмэгдүүлэх зорилгоор "Эмнэлгийн тоног төхөөрөмжийн аюулгүй ажиллагаа" сэдэвт тоног төхөөрөмжийн ажиллагааны чиглүүлэх сургалтыг 2017 оны 11 сарын 29-ны өдөр төв дээр зохион байгууллаа.
Эмнэлгийн тоног төхөөрөмжийн тасаг, Сувилахуйн алба, Сургалт сурталчилгааны алба хамтран 13 нэр төрлийн тоног төхөөрөмжийн онолын тодорхойлолт, практикт суурилсан аюулгүй ажиллагааг баримтлаагүйгээс үүдэн гарах гэмтлийг танилцуулсан. Сургалтыг Эмнэлгийн тоног төхөөрөмжийн инженер Р.Даваасүрэн, Б.Эрхэмбаатар, Э.Должинсүрэн нар удирдсан. Үүнд:
- Өвчтөний хяналтын монитор
- Пульсоксиметр
- Цахилгаан соруурын аппарат
- Хүчилтөрөгч өтгөрүүлэгч аппарат
- Автомат тариурын шахуурга
- Автомат дуслын шахуурга
- Амьсгалын аппарат
- Эх ургийн хяналтын монитор
- ЭХО аппарат
- Нярайн инкубатор
- Фотоэмчилгээний аппарат
- Нярайн дулаацуулах ширээ
- Нян устгах гэрэл
Дээрх тоног төхөөрөмжийн үйл ажиллагаа, аюулгүй ажиллагааны зааварчилгааг танилцуулж, эмнэлгийн хийн системийн талаар хүчилтөрөгчийн техникч О.Санжаасүрэн сургалтанд оролцсон эмнэлгийн мэргэжилтнүүдэд мэдээлэл өгөхийн зэрэгцээ эмч, эмнэлгийн ажилчдын сонирхсон асуултанд хариуллаа. Нийт 21 сувилагч, эх баригч нар оролцсон.
Сургалт, сурталчилгааны алба