Олон улсын хүүхдийн хавдрын эсрэг өдөр 2 дугаар сарын 15-нийг тохиолдуулан Эх хүүхдийн эрүүл мэндийн үндэсний төвийн Цусны эмгэг хавдар судлалын тасагт хэвтэн эмчлүүлж буй хүүхдүүдийн дунд зургийн өдөрлөг зохион байгууллаа.
Урлаг засал нь хүүхдийг хөгжүүлэх, амрааж, тайвшруулах мөн дотоод сэтгэлээ илэрхийлэх боломжийг олгодог бөгөөд өвчний эдгэрэлтэд эерэгээр нөлөөлдөг тул олон улсад энэхүү аргыг өргөнөөр нэвтрүүлсэн байдаг.
Энэ удаагийн зургаар эмчлэхүй өдөрлөгийг зураач, урлаг судлаач Базардармын Гэрэлцэцэг, Бүтэмжийн Сарангоо нар маань удирдан зохион байгуулж, хүүхэд багачуудад үнэтэй зөвлөгөө мэдээлэл өглөө. Сайхан сэтгэлээр бидэнд урлахуйн гайхамшгийг мэдрүүлсэн хоёр урам бүтээлчиддээ болон ирээдүйн хосгүй авъяастан хүүхэд, залуустаа улам илүү амжилт гаргахыг хүсэн ерөөе.
Эх хүүхдийн эрүүл мэндийн үндэсний төв
Нийгмийн эрүүл мэндийн нэгж