ХАМТДАА СЭРГИЙЛЬЕ
- 24 November 2023
- Published on Баасан, 24 November 2023 16:33
Бичил биетний тэсвэржилтийн талаарх мэдлэг хандлагыг дээшлүүлэх дэлхийн 7 хоногийн хүрээнд ЭХЭМҮТ-ийн антибиотикийн дэд хороо "БИЧИЛ БИЕТНИЙ ТЭСВЭРЖИЛТЭЭС ХАМТДАА СЭРГИЙЛЬЕ " уриан дор мэргэжлийн сургалт зохион байгууллаа.
Сургалтыг ЭХЭМҮТ-ийн ЭМТҮЧАБА-ны дарга МУ-ын хүний гавьяат эмч А.Оюунчимэг удирдан явуулж ‘’Амьсгалын замын цочмог халдвар’’, "Антибиотикийн зохистой хэрэглээ" сэдвээр илтгэл тавилаа.
Мөн ЭХЭМҮТ-ийн Нэгдсэн лабораторийн тасгийн эмч АУ-ны магистр Г.Гэрэлмаа "Бичил биетний тэсвэржилт, олон эмэнд тэсвэртэй бичил биетний тархалт" сэдвээр, ЭХЭМҮТ-ийн эмзүйн тасгийн эмнэл зүйн эм зүйч Н.Наранзул "Эмнэлэгт бичил биетний эсрэг эмийн зохистой хэрэглээ ба гаж нөлөөг бүртгэн мэдээллэх” сэдвээр, Ариутгал халдваргүйтгэлийн тасгийн тархвар судлаач эмч М.Уранчимэг “Олон эмэнд тэсвэржсэн бичил биетний тандалт сэргийлэлт, хариу арга хэмжээ " сэдвээр тус тус мэдээлэл өглөө. Сургалтанд ЭХЭМҮТ-ийн эмч, эмнэлгийн мэргэжилтнүүд, олгох, дээшлүүлэх курс болон резидент эмч нар гээд 160 хүн оролцлоо.
