Эх хүүхдийн эрүүл мэндийн үндэсний төв

НЯРАЙН ЭНДЭГДЛЭЭС СЭРГИЙЛЭХ ЭЭЛЖИТ ЦАХИМ ХУРАЛ БОЛЛОО

ЭМС-ын 2022 оны А/550 тоот тушаалыг хэрэгжүүлэх үүднээс ЭХЭМҮТ-ийн Тандалт судалгааны алба Монгол Улсын “Алсын хараа – 2050” урт хугацааны хөгжлийн бодлого, “Дэлхийн тогтвортой хөгжлийн зорилго 2016-2030”-д тусгагдсан нярайн эндэгдлийг бууруулах зорилтын хүрээнд нярайн эндэгдлээс урьдчилан сэргийлэх ээлжит цахим хурлыг 2024 оны 06 дугаар сарын 27-ны өдөрзохион байгууллаа. 

 Хуралд ТСА-ны эмч, судлаач, Эх барих, эмэгтэйчүүдийн эмнэлэг, Хүүхдийн эмнэлэг, дүүргийн эрүүл мэндийн төв, нэгдсэн эмнэлэг, аймгийн эрүүл мэндийн газрын удирдлага, хүүхдийн тусламж үйлчилгээ хариуцсан мэргэжилтэн, нийслэлийн түргэн тусламжийн төв, хүүхдийн төв сувилал, БОЭТ, аймгийн нэгдсэн эмнэлгийн хүүхдийн, нярайн эмч, ЭМТҮЧАБА-ны дарга, менежер, сум, баг, өрхийн эрүүл мэндийн төвийн нийт100 холболтоос 145 эмч, мэргэжилтэн цахимаар оролцлоо.

Цахим хурлын үеэр ЭХЭМҮТ-ийн ТСА-ныих эмч, АУ-ны доктор Б.Одонгоо “Нярайн эндэгдлийн өнөөгийн байдал, 2020-2024 оны I-V сар” сэдвээр мэдээлэл хийсэн бол Нярайсудлалын тасгийн эрхлэгч А.Солонго “Эхийн сүүгээр хооллолт. Нярайн бүтэлт” сэдвээр тус тус эмч, мэргэжилтнүүдэд онолын мэдээлэл танилцууллаа.

Хурлын үеэр оролцогчид “Жирэмсний хяналтын чанарыг сайжруулах” сэдвээр сургалт зохион байгуулах, тус хуралд эх барих, эмэгтэйчүүдийн эмч, эх баригч нарыг оролцуулах, “Эх барих, хүүхдийн 45 хоногийн баримжаа олгох” ажлын байрны сургалтад өрх, сумын эмч, эмнэлгийн мэргэжилтэн нарыг хамруулах санал тавьж, харилцан ярилцсан үр дүнтэй хурал боллоо.

Цахим хуралд идэвхтэй оролцсон эмч, мэргэжилтэн нартаа хамтран ажилласанд талархал илээрхийлье.

Тандалт судалгааны алба