ЭМС-ын 2022 оны А/550 тоот тушаалыг хэрэгжүүлэх үүднээс ЭХЭМҮТ-ийн Тандалт судалгааны алба Монгол Улсын “Алсын хараа – 2050” урт хугацааны хөгжлийн бодлого, “Дэлхийн тогтвортой хөгжлийн зорилго 2016-2030”-д тусгагдсан нярайн эндэгдлийг бууруулах зорилтын хүрээнд нярайн эндэгдлээс урьдчилан сэргийлэх ээлжит цахим хурлыг 2024 оны 06 дугаар сарын 27-ны өдөрзохион байгууллаа.
Үндсэн мэргэшлээр суралцаж буй эмч нарын дунд жил бүр уламжлал болгон зохион байгуулагддаг энэхүү хурлаар эх барих, эмэгтэйчүүд судлалын чиглэлээр 4 илтгэл, хүүхэд судлалын чиглэлээр 8 илтгэл, нийт 12 илтгэл хэлцэгдсэн юм.
ЭХЭМҮТ-д Австрали Улсын Засгийн газрын тэтгэлэгтэйгээр хэрэгжсэн “Хүүхдийн эмчийн Сиднейн хөтөлбөр”-т хамрагдан нэг жилийн хугацаанд амжилттай суралцаж төгссөн 45 эмчид ЭХЭМҮТ-ийн Ерөнхий захирал, АУ-ны доктор Ш.Алтантуяа тэргүүтэй ЭХЭМҮТ-ийн удирдлагын баг болон Австрали Улсаас Монгол Улсад суух Элчин сайдын нэгдүгээр нарийн бичгийн дарга ноён Дэйв Престон, Австралийн худалдаа, хөрөнгө оруулалтын хорооны бизнес хөгжлийн ахлах менежер Д.Солонго нар гэрчилгээг нь гардуулан өглөө.
ЭХЭМҮТ-ийн Тандалт судалгааны албанаас “Өсвөр үеийнхэнд тулгамдаж буй эрүүл мэндийн асуудлууд” сэдэвт цахим хурлыг 2024 оны 6 дугаар сарын 04-ний өдөр зохион байгууллаа.
Цахим хуралд ЭХЭМҮТ-ийн ТСА-ны эмч судлаачид, аймаг, нийслэлийн эрүүл мэндийн газар, аймаг, дүүргийн хүүхэд, өсвөр үеийнхний асуудал хариуцсан мэргэжилтэн, өсвөр үеийн эмч, зөвлөгч, сэтгэлзүйч, нийгмийн ажилтан зэрэг 85 хүн оролцлоо.
